sperimentâ
spe|ri|men|tâ
[AF]
-
v.tr.
cognossi, capî, vê dimostrazion par vê provât in maniere direte, personâl e concrete:
cjatantsi insieme a Magnan une volte, par fâ i conts cui fituâi di Pramper, e verin une ocasion stupende par sperimentâ il lôr coragjo (Giovanni Gortani, La teme - Une gnot intun cjastiel)
Sin. cognossi
, provâ
, savê1
-
notâ une sensazion:
ma co sperimentais un bon efiet [de aghe pudie], / bevit e tracanait a plui podê; / che in cuindis dîs purgâts la smilze e il pet / a cjase corarês come un lachè (Toni Broili, Il furlan in Parnâs)
-
v.tr.
meti in vore pe prime volte un imprest, verificâ il rindiment e la capacitât di un machinari o la validitât e la eficacitât di un prodot:
[Malignani] tornât a cjase sul ronc sot dal cjistiel al scomence a costruî e sperimentâ lis primis lampadinis eletrichis (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
Sin. provinâ
-
v.tr.
(ancje ass.)
fâ alc di gnûf, alc che nol jentre tes categoriis za canonichis o tradizionâls:
la nestre scuele medie […] bielzà tai agns '70 e sperimentave in dutis lis classis une ore par setemane di lenghe e culture furlane (Luca Coradduzza, Une scuele indevant);
chi si è fat un sfuarç prin che inaltrò par sperimentâ une gnove cure [dal malstâ mentâl] (Walter Tomada, Se la Europe nus cjale no vin di vê pôre)
-
v.tr.
(ancje ass.)
verificâ une ipotesi sientifiche in maniere concrete, obietive e che si pues ripeti:
Un esperiment compagn al è stât fat ancje di A. Pacinotti cun lastris di ram, e cun di plui al à ancje sperimentât la variazion di fotocondutibilitât in relazion des diviersis componentis di lûs solâr scomponude cuntun prisme di Newton (Lorenzo Marcolini, Lis celis organichis nanostruturadis)