spaziâl
spa|zi|âl
[AF]
-
adi.
dal spazi tant che lûc indefinît e ilimitât dulà che a son lis robis materiâls:
inte biblioteche, in sumis, e varès cjatade evidence spaziâl e fisiche la classificazion logjiche dai libris (Mario Turello, Il brevet)
-
adi.
dal spazi tant che lûc dulà che a son i cuarps celescj:
diretôr dal osservatori astronomic plui impuartant di Italie, chel di Arcetri, tal 1894 al podè trasformâlu intune stazion di osservazion spaziâl une vore moderne (Angelo Floramo, Abetti Antonio)
Sin. cosmic
-
fat par viazâ fûr de atmosfere:
te panze di chel avion spaziâl a stavin dentri dai missilons (Checo Tam, U.F.O.)
-
adi.
(fam., zerg., fig.)
une vore biel, lussuôs e v.i.:
al è a cjase sô, une vile spaziâl (Stiefin Morat, Donald dal Tiliment)
Sin. dal numar un
, famôs
, straordenari
, sflandorôs
, galatic