Dizionari de Lenghe Furlane

sot sere    [AF]

1. loc.av., loc.adi.inv. tal timp o dal timp de zornade li che il soreli si sbasse sul orizont, jenfri il dopomisdì e la gnot:  dopo gustât al cjape la coriere de Cjargne e sot sere al dismonte a Glemone (Arturo Feruglio, I stivâi di Zuan Batiste); sot sere, par ordin che il scûr al jentrave te cjamare, jê e sintive un sens di vueit dentri vie (Jolanda Mazzon, Fûr di timp); a saran lis siet sore sere (Josef Cjargnel, Il Lâc di Cjavaç)
   Sin. sore sere , di sere , di sore sere , di sot sere
2. loc.s.m. timp de zornade li che il soreli si sbasse sul orizont, jenfri il dopomisdì e la gnot:  un sot sere al vignì a cjatâlu Bastian, un muridôr di trente agn, so compagn te imprese di costruzions (Domeni Zannier, La crete che no vai); tal sot sere o fasevi la strade par rivâ ae Cengle (Stiefin Morat, Kebar krossè)
   Sin. sere¹ , sore sere

Components:

• sere¹ s.f.
• sot prep., av., adi.inv., s.m.sing.