Dizionari de Lenghe Furlane

sore sere    [AF]

1. loc.av., loc.adi.inv. tal timp o dal timp de zornade li che il soreli si sbasse sul orizont, jenfri il dopomisdì e la gnot:  di gjalinis al jere plen il bosc, plen il prât, e la cort; a 'nd jere sui mussulins, sot da la arie, pe strade, pardut. Sore sere, co la parone lis clamave dongje a mangjâ, a vignivin fûr di dutis lis bandis (Pieri Menis, La gjaline robade); o disarìn un sclip di rosari sore sere intant che e bol la polente (Josef Marchet, Lis predicjis dal muini)
   Sin. sot sere , di sere , di sore sere , di sot sere
2. loc.s.f., loc.s.m. timp de zornade li che il soreli si sbasse sul orizont, jenfri il dopomisdì e la gnot:  i balcons si jemplarin dal grîs rossit de sore sere (Dino Virgili, La aghe da pît la cleve); a lerin a cjaminâ jù pai viâi di Grau, te sore sere luminose (Agnul di Spere, Zûcs di Istât); distirâts tal cidinôr dal sore sere (Stiefin Morat, Adalt abàs)
   Sin. sere¹ , sot sere

Components:

• sere¹ s.f.
• sore prep., av., adi.inv., s.m.sing.