Dizionari de Lenghe Furlane

sot i pîts    [CO]

1. loc.av. li che si poin i pîts:  lu viôt che al taie dongje il poc propri il ramaç che al à sot i pîts; e a i vose: "Oe, fantat, vêso voie di colâ?" (Luigi Gortani, Il matescul di Cjabie); la int a frontarin i pîts te glerie, la glerie e cedeve sot i pîts (Dino Virgili, La aghe da pît la cleve)
2. loc.av. jù abàs:  lis cretis fantastichis dal Jôf di Montâs che a fasin vignî inzirli di tant altis che a son: di chê altre il paisut vistût a blanc, sot i pîts, che al fâs inzirli di tant che al è bas (Josef Marchet, Il cjanâl vistût di blanc)
   Sin. da pît
3. loc.av. intune cundizion di umiliazion, di dispresit, di pierdite di valôr e v.i.:  "Ancje se il nestri onôr al ven metût sot i pîts?" (Pieri Piçul, Vieri e gnûf); "La leç e la autoritât a son lôr, tal non di Diu e cu la sante benedizion dai predis… e il Vanzeli sot dai pîts…" (Alviero Negro, Int di masnade)

Components:

• pît s.m.
• sot prep., av., adi.inv., s.m.sing.