Dizionari de Lenghe Furlane

soci  /-ò-/  so|ci  [AF]

1. s.m. cui che al à part insiemi cun altris intune societât cun finalitâts economichis:  il president Sergio Venuti mi à invidât a deventâ soci intun moment che plui di cualchidun dai aministradôrs al stave molant la responsabilitât (Max Mauro, Un Friûl difarent: i 90 mhz di Onde Furlane)
2. s.m. cui che al fâs part di une organizazion che e à ciertis finalitâts, ancje no economichis:  si tacà a dâ fûr cartulinis di Nadâl cui auguris par furlan. Al jere un don dal Fogolâr ai socis (Agnul di Spere, Visâsi di chel puint radio)
   Sin. consociât , iscrit , membri¹ , associât
3. s.m. (spres.) cui che al fâs insiemi cun altris robis disonestis o calcoladis in cualchi maniere negativis:  la volontât politiche di Fedriga e socis no à inciertecis: il Friûl intindût tant che entitât politiche teritoriâl, sociâl, storiche nol esist plui (Dree Valcic, No si scancele un popul cuntune leç patache)
   Sin. amì , amigo , compliç , manutengul , copari