Dizionari de Lenghe Furlane

sierâ dentri    [CO]

1. loc.v. meti, fâ stâ o obleâ a stâ intun lûc di dulà che no si pues vignî fûr:  il re, in bestie, al à fat fâ un caratel e al siare dentri ducj i trê. Maletegne, la principesse e il frut; e ju fâs butâ tal mâr (Andreina Nicoloso Ciceri, Maletegne - Racconti popolari friulani I)
   Sin. meti dentri
   
   1. cjapâ tal mieç, strenzi tor ator:  la cise cuadrade di rôl di une vecje bressane e jere cressude a mat, sierant dentri, tun intric di ramaçs e di bachetis, la piçule cabocje dal oseladôr (Pieri Menis, Destins)
2. loc.v. stratignî une sensazion o une espression:  cuant che e partì no rivà a siarâ dentri lis lagrimis dai salûts (Maria Forte, Cjase di Dalban); no steit sigâ. Ducju fers e in silensi, sierant drenti tal cour la vustra disperassion, ogniun la sô (Pier Paolo Pasolini, I Turcs tal Friûl)
3. loc.v. (fig.) tignî dentri, implicâ:  l'ûf al è […] une sole celule che e siere dentri il segret e lis prospetivis dal individui (Sandri Carrozzo, Il miluç de magne)

Components:

• dentri av., prep., adi.inv., s.m.sing., s.m.inv.
• sierâ v.tr., v.intr.