sgrife
sgri|fe
[AF]
-
s.f.
ongule a rimpin e spiçade, tipiche des bestiis:
[…] un surisat, scjampât / in chel moment des sgrifis di un gjatat (Emilio Nardini, La Batracomiomachie di Omero)
Sin. sgrif
Var. sgrafe
, grife
, sgrinfe
-
s.f.
çate di animâl cu lis ongulis:
o vevi viodût il bec dal falcuç maglât di sanc, il sierâsi e il vierzisi gnervôs des sgrifis, seneosis di sbridinâ (Carlo Sgorlon, Il dolfin);
[il corvat] al veve une sgrife insanganade, insanganât il bec insin ai voi (Catarine Percude, Il cjan blanc di Alturis)
Sin. sgrif
, sgripie
-
s.f.
(estens.)
segn lassât di une ongule o di une çate cu lis ongulis:
[te nêf] si viodevin a pene lis sgrifutis, a stele, dai uciei e la olme lizere di cualchi besteute dal bosc (Maria Forte, La tiere di Lansing)
-
s.f.
(fig.)
man pronte a cjapâ:
dute impicotide, spacant la sô borsute, cu lis sgrifis scuindudis tes manecis blancjis (Josef Marchet, Lis predicjis dal muini);
i vîfs si strenzevin intor de crôs, a imbraçavin la crôs cu lis sgrifis e i braçs (Dino Virgili, Cuel Valâr)
Sin. grampe
, man
-
s.f.
(fig.)
capacitât, atitudin, volontât, cundizion di cjapâ, di strenzi, di dominâ, di fâ mâl e v.i.:
al ritignive i nemîs cence plui sgrifis (Maria Forte, Cjase di Dalban);
taiâur lis sgrifis a cualchi siorut di chenti e sarès une robe juste (Alviero Negro, Int di masnade);
el popul di Aquilee, par salvâsi da lis sgrifis dai barbars, nol podeve che lâ in mieç dai palûts (Arturo Feruglio, Viaç a Vignesie)
Polirematichis e espressions idiomatichis