Dizionari de Lenghe Furlane

se²  se  [FO]

1. pron.pers. forme toniche dal pronon personâl di tierce persone singolâr e plurâl, doprade tant che obiet di un verp riflessîf e tai complements indirets in riferiment al subiet stes:  al veve cun se simpri so nevôt Zuantoni (Dino Virgili, Cjase Basse); la fie e pensave dome par se (Maria Forte, Mabile la Lunghine); a veva davour di se una vita lungja che a la veva usada a tignî dûr (Novella Cantarutti, La agna Mia di Ristec)
2. s.m.sing. [TS] psic. nucli de personalitât che al à caratar permanent e conservatîf, pasant ancje pai mudaments somatics e psichics de esistence individuâl:  il concet di persone al è come une spirâl indulà che intal centri o cjatìn lis componentis plui profondis dal se, ven a stâi il se primari (Franc Fari, La evoluzion dal çurviel e de cussience tai vertebrâts)

Polirematichis e espressions idiomatichis

• in se loc.av., loc.adi.inv.
• in se e par se loc.adi.inv., loc.av.
• in se stes loc.av., loc.adi.inv.
• se stes loc.pron.
• tignî par se loc.v.
• tignîsi par se loc.v.
• tornâ in se loc.v.
• vê il non cun se loc.v.
• vê pôc ce cjalâ denant di se loc.v.

Proverbis:

• bisugne fâ la barbe prin par se e po, se al vanze timp, ancje a chei altris
• cui che al fâs da se al fâs par trê
• cui che al lavore par se al lavore par trê
• cui che al promet pai altris al paie par se
• cui che al rît dai altris al rît di se
• cui che al robe pai altris al va in preson par se
• cui che le fâs pai altris le fâs par se
• i bêçs no si puartiju cun se
• Sant Pieri al faseve la barbe prin par se