Dizionari de Lenghe Furlane

tignî par se    [CO]

1. loc.v. tignî alc par vêlu, doprâlu, gjoldilu e v.i., no condividilu, no dâlu vie, no vendilu, no dâlu a fit e v.i.:  "Cumò ti spieghi ce che o soi vignût a fâ culì usgnot: jo no soi un di chei che a si fasin dâ lis veretis di aur pe patrie e po lis tegnin par lôr, come che tu âs fat tu. Jo no soi un lari, come te." (Roberto Ongaro, Il muc); lis feminis a levin a zornade ancje te campagne che il cont al veve tignude par se (Dino Virgili, Cjase Basse)
   Sin. tignîsi par se
2. loc.v. no dî alc che si sa, che si pense, che si sint e v.i.:  vadì, dentri, al veve ancje pinsîrs, ma ju tignive par se (Maria Forte, La tiere di Lansing); dut chest al puarte il furlan a sierâsi in se, a rumiâ, a tignî par se sperancis e pôris (Antoni Beline, Malatie)
   Sin. tignîsi par se

Components:

• se² pron.pers., s.m.sing.
• tignî v.tr., v.intr.