sdramassade
/-ssà-/
sdra|ma|ssa|de
[CO]
-
s.f.
azion di sdramassâ, di movi cun fuarce:
alore mi inrabii, la cjapi pes spalis, i doi une buine sdramassade, i sberli su la muse di no, di no, di no (Alan Brusini, Un dai pôcs);
il taramot, po, i de une sdramassade cussì fuarte [ae cjase] di no infidâsi nancje di metii trâfs di sbacjo (Lucio Perès, La strie)
Sin. scjassade
, sacodade
, spacade
, sdrondenade
-
s.f.
colade improvise, pesante e che e fâs sunsûr:
al à fat [...] une brute sdramassade tel mieç de cusine (Giovanni Gortani, Sot consei di vuere)