Dizionari de Lenghe Furlane

scusson  /-òn/  scu|sson  [CO, TS]

1. s.m. entom.com. non comun di coleotars di colôr maronit e di forme plui o mancul ovâl, in particolâr di Melolontha melolontha:  si impensà che tal ronc a vevin di sei florîts i çariesârs e che a di chê ore i scussons a svolavin jenfri i ramaçs (Jolanda Mazzon, Di là de rêt); la scolmace dai scussons a vignive ogni cuatri/cinc agns, un vêr flagjel, ce fâ a parâsi se a si voleve rivâ a gjoldi cualchi pome (Sergio De Cecco, I scusson)
   Var. cusson
   Cfr. vier blanc
2. s.m. (fig.) persone avare, che e brame bêçs e robe, che e domande tancj bêçs a chei altris:  dute la sô braùre e steve nome tal mandâ a fâ pignoraments, tal parâi sù spesis a chei puars diaui di contadins e tal fâsi odeâ di ducj [...]. Sant Vît [dal Tiliment], liberât di chel scusson, al è beât (Guido Antonioli, Florean dal Palaç, I, 19)
   Cfr. avâr , esôs , tacagn , tegnôs , tegne , sanguete
   
   1. sorenon di chei di Sudri
      Sin. sudrês
   2. sorenon di chei di Davâr:  "Isa vignuda madura la ua in cjanâl?" [...] "A sarès ben vignuda madura, ma i scussons di Davâr la àn mangjada duta" (Michele Gortani, Aggettivi geografini e appellativi satirici in Carnia)
      Sin. Davarês
   3. sorenon di chei di Dalès
      Sin. dalessan
   4. sorenon di chei di Cassean
      Sin. barcjadôr
   5. sorenon di chei di Romans dal Lusinç
      Sin. rapecjans , romanês
3. s.m. (fam.) soredut tal dimin., apelatîf par fruts piçui:  lu alçà come une plume tal braç, che ancjemò i vaìve su la spale. "Tâs mo, scussonut, che nissun ti mangje" (Anna Burelli Delendi, Il nevôt… par cussì)