sclavitût
scla|vi|tût
[AF]
-
s.f.
cundizion di cui che i è stade gjavade la libertât personâl:
[la patulie] e à clamât daurman altris fuarcis, fermant cuatri suspietâts di sfrutament e nûf fantatis asiatichis […] che si viodeve che a jerin dutis in cundizion di sclavitût (Spirt Anonim, Anime)
-
istitût sociâl e fenomen socioeconomic dal implei di sclâfs par ciertis ativitâts:
la lote dai Quacker e à otignût, dal 1780, l'abolizion de sclavitût te Pennsylvanie (Luche Nazzi, I sclâfs dal tierç milenari a passin ancje par ca)
-
s.f.
di un popul, di un teritori e v.i., mancjance di libertât e di indipendence politiche:
pai inglês la Italie no à contât mai nuie, e se cualchi volte e à contât, al è cuant che i à servît di comodin, e Cercil il campion de libertât, al à molât lis sôs coloniis cuant che nol à podût tignîlis in sclavitût (Pieri Somede dai Marcs, Al è muart Cercil)
Sin. servitût
, sotanance
, sumission
-
s.f.
(fig., iperb.)
cundizion di cui che al è sot di condizionaments fisics, psicologjics, economics e v.i. une vore fuarts:
e chiscj gnôfs rams di speculazion ce nus dano? Prima di dut nus jevin da chê sclavitût di spietâ un bocon di pan da chês cuatri spanis di tiara che nus sostegnin (Federigo Comelli, Il me paîs)
Sin. sotanance
Proverbis:
- la usance e je une grande sclavitût