servitût
ser|vi|tût
[AF]
-
s.f.
cundizion juridiche dal sierf o dal sclâf, cundizion li che e mancje in dut o in part de libertât personâl:
nissune persone no po jessi tignude in sclavitût o servitût (Luche Nazzi, I sclâfs dal tierç milenari a passin ancje par ca)
Sin. sclavitût
-
mancjance di indipendence o di libertât di une comunitât:
il nestri avignî come popul fra i popui, in armonie e colegance cun altris popui, ma no in sotanance o servitût (Antoni Beline, Memorie e profezie)
-
cundizion dal animâl dumiesti o dumiesteât par lavorâ:
un cjaval che al acete il comat che i da la umiliazion de servitût, ma ancje il fen te tresêf (Roberto Ongaro, Il muc)
-
s.f.
complès dai servidôrs che a lavorin tune cjase privade:
la servitût, che a 'nd jere simpri par cjase, chê sì che le tratave ben, ma a vevin di jessi fedêi (Pieri Menis, Chei di Muraie);
tu varàs un bon jet e buine taule, / che ai famôs cogo e brave servitût; / e infin farai del dut, ti doi peraule, / che tu seis ben tratât e ben servût (Pieri Çorut, A Tite Bas)
-
s.f.
[TS]
dir.
dirit reâl che al impon limitazion dal ûs di un fonts in benefici di cdn. che nol è il so proprietari:
se cumò e passin pe Faule cui cjars, al è che e je dute robe mê. Ma sâstu che o varès un biel dam di cheste servitût? (Ercole Carletti, Mariute)
Proverbis:
- servitût tornade, mignestre riscjaldade