Dizionari de Lenghe Furlane

saete  /-è-/  sa|e|te  [AF]

1. s.f. scjarie eletriche tra i nûi o tra i nûi e la tiere:  l'an passât che al à trat saete su la stale di Beltram, o jerin in cuatri a parâ il fûc (Josef Marchet, Lis predicjis dal muini); dôs saetis a sgriarin inmò il cîl, a luparin la campagne e il cuc lontan de Cleve di une lûs stranie (Dino Virgili, La aghe da pît la cleve)
   Sin. folc , fulmin
   Cfr. ton¹ , lamp¹ , tarlup
   
   1. ancje in imprecazions o sim., par invocâ une punizion dal cîl:  "Podessie vegniti une saete gravide di mil saetins!" (Luigi Gortani, La invidiose); no jere compagnie sentade in sante pâs a fâ la mirinde sot i lens che no ves vût di mandâi folcs e saetis a chel bulo che propit a ducj ur rompeve lis… mirindis (Alan Brusini, Amîs come prime)
2. s.f. (fig.) robe o persone une vore svelte:  un cjavalut cravuat che al jere une saete (Alan Brusini, Come tai romançs)
   Sin. fuset , fusete , lamp¹ , fulmin
3. s.f. [TS] itiol.com. non di pes di aghe dolce de famee dai Ciprinidis, lat. sient. Chondrostoma genei e Chondrostoma soetta
   Sin. zovete , scrisul , botar

Polirematichis e espressions idiomatichis

• a saete loc.av., loc.adi.inv.

Proverbis:

• Sante Barbare benedete vuardaitnus dal ton e de saete