sacri1
sa|cri
[FO]
-
adi.
che al rivuarde o che al à a ce fâ cun Diu o cu lis divinitâts, che si riferìs ae religjon e al cult:
sacri al è ogni sît che li si à contat cul divin. Sacre e je ogni robe che e realize chel contat, inte celebrazion o inte preiere (Adrian Cescje, Viaç aes origjins dal Logos);
par antîc, chês gleseutis sul fâ de nestre, a vevin di jessi dutis pituradis cui fats de storie sacre o de vite di Crist (Josef Marchet, Lis predicjis dal muini)
Sin. consacrât
, sacrâl
, sacrât
, sant
-
adi.
consacrât a di une divinitât:
il tei al è sacri a Afrodite;
[la fuee di puliole] e vignive doprade par curâ la gote e par chest e jere sacre di Sant Gjerart (Giorgio Pascoli, Il Litum: jerbis salvadiis te cusine)
Sin. avodât
, dedicât
, sacrât
-
s.m.
dome sing., ce che al rivuarde la divinitât e la religjon:
intune armonie di sacri e di profan […] la fieste de Epifanie e devente une vecje che e rive dute nere, cun grumâi e grumalons (Cristina Noacco, Faliscjis);
ancje se i sintiments religjôs e lis esperiencis dal sacri no si fermin dome su la cuistion de muart, nol è dubi che cheste esperience e je centrâl inte dimension religjose (Franc Fari, Il cjâf dai furlans)
Sin. divin
, sacrât
-
adi.
(fig., iperb.)
che al à di jessi venerât e rispietât:
cetantis bufulis che nus àn contadis sul cont de democrazie, su la nature sacre des leçs, su la grande e nobile mission di cui che lis met adun (Josef Marchet, L'esempli di adalt);
[la libertât] che un popul al à il dovê di conservâ come ereditât sacre cuintri lis gnovis barbariis (Tarcisio Venuti, La cjase di Toni);
se e je vere che la vite e je sacre, e à di jessi sacre simpri e no a bugadis (Riedo Pup, I furlans e lis Falkland)
Sin. meritori
, sacrât
, sant
, venerabil
-
adi.
(scherç., iperb.)
che al è calcolât une vore impuartant, di tignî ben, di no podê rinunziâ e v.i.:
guai puartâ dentri robis su la machine di gno pari che a puedin in cualchi forme sporcjâle, come lens, blave o modons. La machine dal papi e je sacre (AAVV, Sul florî)
Sin. che no si tocje
, intangjibil
, sacrât
, sant
, santissim
Polirematichis e espressions idiomatichis