rost
/-ò-/
rost
[CO, TS]
-
adi.
gastr.
cuet tal for o dongje dal fûc, cul calôr diret de flame o des boris:
o mangji un poleç rost (Pieri Çorut, La mê vite di citât);
in timp di Pasche si à voie di fevelâ di cavret rost cu lis patatinis, di ûfs e di fuiace (Emilia Baldassarre, Ort e cusine)
Sin. rustît
, a rost
-
s.m.
gastr.
toc di cjar cuet tal for o dongje dal fûc, cul calôr diret de flame o des boris:
"Oh là, il rost al è taiât e pront" (Maria Gioitti del Monaco, Arbe mate);
des tratoriis al vignive fûr un profum di robe cuete che al vierzeve il stomi; tripis cul formadi, rost cu lis «droghis », vidiel in umit (Pieri Menis, Chei di Muraie);
le uniche volte che Linde e jevà sù par lâ in cusine e fo cuant che e puartà il rost, che al fumave (Nadia Pauluzzo, Il bintar)
-
s.m.
(fig.)
ce che al è sostance in oposizion a ce che al è aparence:
a dîle propri sclete, ogni dì che va vie / sai manco se al è miei insumiâsi o veglâ, / se vâl tignîsi al rost o al fum o a mezarie... (Ercole Carletti, Mi plâs la lontanance e il no rivâ...)
Polirematichis e espressions idiomatichis
Proverbis:
- al vâl plui un plat di biel acet che no un plat di rost
- al vâl plui un plat di biele ciere che no un plat di rost
- al vâl plui un plat di bon acet che no un plat di rost
- nol è dut rost ce che al fume
- nol è rost dut ce che al fume