riviere
/-èr-/
ri|vie|re
[CO]
-
s.f.
zone caraterizade di un rilêf in pendence parsore di un plan:
al le sul murut dal curtîl a cjalâ la riviere che scomençave a dispueâsi dai colôrs dal plui biel Atom (Dino Virgili, La aghe da pît la cleve);
la aghe de riviere di Samardencje e vignive jù bruntulant a butâsi te Urane (Meni Ucel, I colaçs);
e ce çariesârs [a Tarcint], sù par chê riviere di dulà che si viôt dut il Friûl (Alviero Negro, Lis çariesis pe mari di sant Pieri)
Cfr. rive
, cueste
-
s.f.
[BF]
tiere in pendence dongje dal mâr o di une aghe:
tirait a tiara pûr, cun libertât, / lis vuestris nâfs, su la riviera nestra (Zuan Josef Busiç, La Eneide di Virgjili);
al prin frêt, la Siore e partive in riviere par Sanremo (Alan Brusini, Come tai romançs)
Sin. rive
, cueste
Cfr. marine
, litorâl