marine
/-ì-/
ma|ri|ne
[AF]
-
s.f.
fasse di mâr che dilunc de cueste e fasse di tiere dilunc dal mâr:
su la marine, insom, di mil agn in ca, la int brusade tal soreli antîc dal Adriatic, a picjin lis rêts parmìs di cjase (Dino Virgili, La aghe da pît la cleve);
e alore jù ae marine cu la barcje a motôr, il cjapiel blanc di marinâr par parâsi dal soreli (Alan Brusini, Par stradis lungjis);
Grau, se no savessiso, l'è una citadela, piçula ai nestris timps e popolada di a pena 2300 abitants, plantada nel mieç di una isuluta che sta sul orli de la nestra marina (Federigo Comelli, Il me paîs)
-
s.f.
complès dai mieçs di traspuart, dal personâl e des infrastruturis pal traspuart par mâr di une cierte comunitât o nazion
-
fuarce armade di mâr:
la marine inglese e sprofondave schiriis di nâfs talianis (Checo Tam, La vuere di Checo);
al jere lât volontari te Marine (Pieri Somede dai Marcs, Caritât)
Sin. marine di vuere
, marine militâr
-
s.f.
(zerg.)
il no lâ a scuele o a une lezion di scuindon, cence justificazion:
tu passis la matine al parc, framieç chei che a van in marine (Raffaele Serafini, Nezara viridula)
Proverbis:
- scure la marine: mangje, bêf e sta in cusine; clare la montagne: bêf e va in campagne