Dizionari de Lenghe Furlane

riprese  /-rè-/  ri|pre|se  [AF]

1. s.f. il tornâ a tacâ, il tornâ a tirâ fûr o il tornâ a vignî fûr di alc che al jere cessât, interot, calât, dismenteât e v.i.:  [no si à dât] nuie pe riprese des voris terminologjichis e il completament dal progjet dal dizionari. Lis risorsis a son pocjis e la politiche regjonâl pal moment no intint di incressilis (Adrian Cescje, Memoriis di politiche linguistiche); Rem Spicemei al è lât a Mediis par domandâ la siore Del Fabro Marchi sun chê esperience, su la fermade [de publicazion di "Patrie dal Friûl"] dai Agns 60 e su la riprese cun Antoni Beline (Redazion La Patrie dal Friûl, Il motôr e il penâl)
2. s.f. svilup economic che al torne daspò di une crisi:  la strade sigure par tignîsi sù e par lâ indenant e je nome chê di fâ l'interès de coletivitât; di zovâ al paîs, di disberdeâsi di dutis lis trapulis e lis gjambadoriis che in vuê a tegnin leât ogni sfuarç seri di riprese (Josef Marchet, Se e larà drete); nus fevelin di riprese par cunvincinus che dut al sta par metisi in sest (Walter Tomada, Lidrîs cuadrade di crisi, ven a stâi il "Cecotti & Fabbro-pinsîr" par frontâ chest moment storic)
   Sin. recupar , ripiâsi
3. s.f. [TS] mec., autom. capacitât di acelerazion di un veicul
4. s.f. [TS] fotogr., cinem. regjistrazion cuntune telecjamare, videocjamare, cineprese e v.i.:  lis ripresis a son duradis plui di un an - al conte il regjist Garlatti Costa -, ma lis dificoltâts a son stadis te costruzion dal documentari, di fat Predis al è stât forsit il plui dificil che o vedi mai fat (Erika Adami, «Furlans sveaitsi e doprait il vuestri cjâf!»)
   Sin. prese
   
   1. sene cjapade cuntune telecjamare, videocjamare, cineprese e v.i., taiade e montade intun film o intun video:  lis ripresis a son straordenaris, compagnadis di une musiche concrete e di sunôrs curâts di Riccardo Spagnol (Fabian Ros, "Rumore Bianco" jenfri lis aghis dal Tiliment)
5. s.f. sport in diviers zûcs di scuadre, spec. tal balon, il secont timp de partide:  il ritmi al cale inte riprese, là che dut câs al è simpri l'Udin a vê il balin in man (Marc Stolf, Udinese - Bologna 0-0)
   Sin. seconde frazion , secont timp
   
   1. tal pugjilât e in altris sports di contat, ognidune des dadis di timp che a componin l'incuintri:  trentedoi combatiments, ducj vinçûts par K.O., ae plui sporcje ae tierce riprese (Renzo Brollo, Servizis segrets)