rimiedi
/-è-/
ri|mie|di
[AF]
-
s.m.
cure o medisine buine di vuarî, slizerî o prevignî un dolôr o une malatie:
vait dal dotôr a fâsi fâ il rimiedi, / che il mio mistîr l'è il strolic, e no il miedi (Pieri Çorut, Bastian);
altris rimiedis [par vuarî i cai]: fueis pestadis di chês rosis zalis che si clamin "cjargnelis" e che si cjatin in ogni ort. O pûr: levan di forment o lat di fîc salvadi (Emilia Baldassarre, Ort e cusine)
Sin. cure
, medecule
, medele
, medisine
, recipe
Var. rimedi
-
s.m.
(fig.)
ce che al pues fâ ben cuintri di une situazion o cundizion negative, pericolose e v.i.:
par meti ancjemò un fregul di sanc tes sôs venis [dal furlan], al è nome un rimiedi e nome un mieç: fâlu insegnâ tes scuelis (Josef Marchet, Dome un rimiedi par salvâ il furlan: insegnâlu tes scuelis);
us prei, judaitmi a cirî un rimiedi che al mi jevi di chest imbroi (Bruno Paolo Pellarini, Amôr in canoniche)
Sin. cure
, medecule
, medisine
, sorevuès
Proverbis:
- al è inutil di vaî là che nol è rimiedi
- al fari il fier, al cjaliâr il corean, al marangon il len e al miedi i rimiedis
- il rimiedi pai cais e je la scarpe largje
- il timp al è un grant rimiedi
- la sperance e je il rimiedi dai disperâts
- nol vâl vaî là che nol è rimiedi
- ogni mâl al à il so rimiedi