medisine
/-sì-/
me|di|si|ne
[FO]
-
s.f.
sostance o preparazion che e à efiets bogns tal curâ malatiis, cuntune azion chimiche o fisiche:
cor sù in speziarie a cjoli lis medisinis di cheste recipe (Maria Forte, Cjase di Dalban);
fâ atenzion ae interazion tra medisinis e alcul e consultâ il miedi (Guglielmo Pitzalis, Mole il bevi!)
Sin. medecule
, medele
, medisinâl
-
(par anton.)
preparât che al fâs lâ di cuarp:
cheste matine o ai cjolt medisine (Giulio Andrea Pirona, Ercole Carletti, Giovanni Battista Corgnali, Il Nuovo Pirona);
Gnot pluitost tormentose. Grant corsis sù e jù par vie che la midisine e je di un efiet miracolôs… (Arturo Feruglio, Viaç a Vignesie)
Sin. purghe
, purgant
-
s.f.
sience che e studie i fenomens patologjics che a modifichin l'organisim dal om par cognossiju, prevignîju e curâju:
la peniciline e je il prin antibiotic doprât in medisine e il prin produsût di un vêr fonc (Redazion SSTF, La discuvierte dai antibiotics. Peniciline: l'antibiotic che al à stentât a nassi)
-
dome sing., facoltât universitarie che e prepare i miedis:
o vevi sintût a resonâ di autonomisim in chei agns, che a jerin stâts chei des primis manifestazions dai students pe facoltât di Medisine a Udin (Adrian Cescje, Memoriis di politiche linguistiche)
-
s.f.
[TS]
med., burocr.
repart di ospedâl li che si tratin pal plui malâts cun patologjiis internis acudis:
Graziella tal ospedâl dopo stade in medisine le àn spostade in neurochirurgjie (Mario Beltramini, Jo e Graziella)
-
s.f.
(fig.)
cualsisei robe che e zovi cuintri di un malstâ o ancje cuintri di une robe negative:
i tornavin lis peraulis de Leni «Se ti cjape la malinconie pense a mi». Lui le cirive cul pinsîr; come un sbaldiment, come une medisine (Maria Forte, La tiere di Lansing)
Sin. cure
, rimiedi
, terapie
Proverbis:
- al è miôr spindi in pan che no in medisinis
- al vâl plui il baston di un pastôr che no la medisine di un grant dotôr
- cuant che al è destinât no vâl ni miedi ni medisine
- diete e je la prime medisine
- la femine cjitine il diaul le bêf par medisine
- miôr spindi in pan che no in medisine
- une femine cjitine, il diaul le bêf par medisine