ridade
/-dà-/
ri|da|de
[FO]
-
s.f.
manifestazion di contentece, di bon umôr, fate cuntune alterazion rumorose de respirazion e cuntun mudament de espression de muse, li che pal solit la bocje si vierç e si plee insù e i voi si strenzin:
e jere dute une confusie di cjants, di ridadis, di mans che a svintulavin (Dino Virgili, La aghe da pît la cleve);
cu lis sôs matetâts al faseve fâ simpri cualchi ridade di gust (Pieri Somede dai Marcs, La ultime baronade);
le viodevi vulintîr e si petave ancje cualchi ridade ti gust (Pieri Somede dai Marcs, Anzule);
e sclopà tal cjap dai umign une ridade di no finî (Maria Forte, Varc di confin);
une ridade e saurìs la bocje… e cuince il stomi e… no coste (Maria Forte, La tiere di Lansing)
Sin. ridude
, rideç
, ridi
, riduce
, bacanade ipon.
, sbacanade ipon.
-
manifestazion de stesse sorte, ma che e pues pandi ancje altris sensazions, sintiments o intindiments, tant che ironie, sarcasmi, disacuardi, rabie e v.i.:
se lis savessin di là dai confins, chestis miseriis, ce ridadis di sbregâsi che a fasaressin! (Josef Marchet, No sin contents!)
-
s.f.
espression, pal solit di ligrie, fate pleant insù i cjantons de bocje o vierzint un tic la bocje e mostrant i dincj:
Sunte e jere une biele femine, cui voi celescj e la ridade biele e lusinte come la lune (Cristina Noacco, Faliscjis)
Sin. muse di ridi
, bocje di ridi
, rideç
, ridi
-
espression compagne ma par pandi altris sensazions o sintiments, o ancje tant che carateristiche fisse:
su la muse si notin i dincj, la ridade di une crepe, une crepe di muart (Checo Tam, Vencul)
-
s.f.
(fig.)
umôr legri e seren:
si ripiave tant che une plante che la dedizion di mans amorevulis a fasin tornâ incà. Al veve recuperade la sô ridade sclete (Gianni Gregoricchio, Trê feminis)
Polirematichis e espressions idiomatichis
Proverbis:
- une ridade e gjave un claut de casse