riçot
/-òt/
ri|çot
[AF]
-
s.m.
çuf di cjavei, o ancje di pêi, in forme di bovul:
chel riçot denant dal voli / mi pareve dut aur fin / jê ogni tant lu drindulave / cul so estro di murbin (Ercole Carletti, La morose);
l'aiar i faseve svintulâ i cjavei che i cjadevin jù pes spadulis in riçots (Catarine Percude, La mulinarie)
Sin. bocul
Cfr. cjadene
, bisse
, anel
-
adi., s.m.
che, cui al à i cjavei che a stan a çufs zirâts su se stes:
un biel fantat moro e riçot (Alan Brusini, Amîs come prime);
un frut riçot al rît intal sgjavin dal nestri cjamp e sô mari jù pal cjamp si volte a cjalâlu e lui i rît (Dino Virgili, «…e là four dal nuestri cjamp…»)
Sin. inriçotât
, riçotât
, riçotin
-
di cjavei, o ancje di pêi, che a formin çufs zirâts su se stes:
o tacai a tabaiâ cun chê biele aliene more cui cjavei riçots (Checo Tam, Sense);
al jere un spetacul viodi lis lôr barbis e lis cjaveladis riçotis (Raffaele Serafini, Contis sot spirt)
-
s.m.
toc o part di cualsisei materiâl che e vedi une forme che e da infûr e che e zire:
Tite al veve plantât la bandiere […] tai riçots di fier dal piergul (Maria Forte, "Nossent");
une ringhiere di fiers fats sù a strece, a cerclis e riçots (Pieri Menis, Chei di Muraie)
-
s.m.
element decoratîf in plui, ancje esagjerât:
e faseve il riçot sul orapronobis tant che se e ves cjantât il «mazzolin di fiori» (Josef Marchet, Lis predicjis dal muini)