responsabilitât
res|pon|sa|bi|li|tât
[FO]
-
s.f.
cussience di ce che si fâs e des consecuencis, capacitât di compuartâsi cun sintiment:
[cu la autonomie] la cussience, la responsabilitât e la serietât si fasin strade, alore e nas une moralitât civiche (Josef Marchet, Autonomie e moralitât)
Sin. cussience
, impegn
, scrupul
-
impegn che al derive di cheste cussience:
il gjenitôr nol à di somerzi so fi adolessent di masse racomandazions, al à di stâi dongje, ma al à di lassâlu cjapâsi lis sôs responsabilitâts (AAVV, Sul florî)
Sin. assum
, impegn
-
s.f.
posizion di cui o di ce che al à un pês intune situazion e che al pues jessi clamât a rispuindi des consecuencis, sedi positivis che negativis:
chês stessis fuarcis politichis a àn une cierte rilevance e fuarce rapresentative, magari ancje cun responsabilitâts aministrativis e politichis (Marc Stolf, Corsiche, Scozie, paîs Basc, Catalogne, Friûl… Europe);
plui di cualchidun dai aministradôrs al stave molant la responsabilitât (Max Mauro, Un Friûl difarent: i 90 mhz di Onde Furlane)
-
s.f.
il jessi cause e il vê la colpe di alc di negatîf:
dongje la responsabilitât morâl par chel che i jere tocjât a Catia, o podevi ancje vê consecuencis penâls, di leç (Alan Brusini, Gian Paolo Linda, I forescj);
la cause di cheste situazion [di analfabetisim]? La responsabilitât? Mah, cuissà (Riedo Pup, Dîs milions di analfabets)
Sin. colpe
-
s.f.
[TS]
dir.
cundizion juridiche di cui che al scuen rispuindi di ce che al à fat o nol à fat e al veve di fâ
-
s.f.
[TS]
filos.
pussibilitât di previodi e sielzi il compuartament