responsabil
/-à-/
res|pon|sa|bil
[AF]
-
adi., s.m.
che, cui che al à di decidi e di rispuindi des consecuencis di une cierte sielte, azion o situazion:
ce valôr podevie vê la sô tenarece se no mi rispietave par ce che o soi? Se no mi lassave di bessole inte mê solitudin di mari - responsabile de vite che o vevi dentri - a decidi jo dal gno stâ e fâ? (Gianni Gregoricchio, Trê feminis);
Cavedalis nol volè savênt di spostaments rispiet al plan concuardât cui imperiâi, parcè che al si sintive e al jere responsabil de sô atuazion cence incidents (Giovanni Pillinini, Zuan Batiste Cavedalis - Une vite esemplâr)
-
adi., s.m.
che, cui che al à di viodi di alc o di cdn., soredut cuntune funzion di autoritât, di comant, di control:
e lui mi à stropade la bocje e comandât di tasê: al mi à dit che di chest [de situazion de sô famee] al è responsabil lui e la autoritât le à lui (Josef Marchet, Lis predicjis dal muini);
il siôr Sergjo Cristin di Sant Zorç di Nuiâr, studiôs passionât di furlan, rispuindint a un invît de Filologjiche al à segnalât ai responsabii de Societât une impuartante novitât e raritât linguistiche (Riedo Pup, Il furlan al jentre in tribunâl)
-
adi., s.m.
che, cui che al à o che al mostre cussience tal compuartament, che al à o che al mostre cualitâts psichichis e un ecuilibri di persone che e je in grât di rispuindi di ce che e fâs:
la scuele e à di tirâ sù int libare, int madure e responsabil, int che no ubidìs a voi sierâts ma che e conteste la leç no par gust de anarchie ma par fânt une miôr (Antoni Beline, Un popul e la sô scuele)
Sin. cussient
, cussienziôs
, seri
, madûr
-
adi., s.m.
che, cui che o ce che al è cause di un efiet, di une consecuence, dispès negative:
Rico si domandave se podeve jessi vere che Edo - cussì frut, nassût e cressût tal stes borc - al fos pardabon responsabil ancje lui de muart di chei doi vielis (Gianni Gregoricchio, La clape);
fasìn l'interogatori, finalmentri a di chei responsabii dai disordins dal tredis di Mai (Alviero Negro, Int di masnade)