regnâ
re|gnâ
[AF]
-
v.intr.
vê il domini plui alt suntun ream, suntune monarchie:
in chei timps al regnave Luîs XIV che, muart so pari Luîs XIII tal 1643, al veve sù par jù 5 agn (Mainardo Benardelli, Il misteri dal mascher di fier)
-
v.intr.
(fig.)
vê un podê une vore grant, vê il domini:
chel trat de Cravuazie e je paronance dai partigjans, zone libare fûr des sgrifis dai Todescs che a regnin invezit plui indentri, bandis di Karlovaç e Zagabrie (Ivano Urli, Storie di Min)
Sin. dominâ
, paronâ
, comandâ
-
v.intr.
(fig.)
vê une posizion di prominence, di spic:
une biele lune e regne in mieç da lis stelis (Arturo Feruglio, Viaç a Vignesie)
-
vê grande impuartance, influence, dominâ, determinâ o caraterizâ fin insot une situazion:
ancje jê e jere stade fantacine, ma la miserie che e regnave in cjase sô, no i veve mai permetût di pierdisi ta chês lizerecis (Roberto Ongaro, Cretevierte);
il cîl al jere seren e une calme rare e regnave su dute la linie, cuasi che di ca e di là de trincee si fossin intindûts di stâ cuiets (Pieri Menis, La glesiute dai alpins)
-
vê une vore di sucès, di difusion, ancje jessi une vore di mode:
cuant che e regne dome une idee e ducj a son in cunvigne al è brut segn (Franc Fari, Il cjâf dai furlans)
Proverbis:
- cui che nol sa fenzi nol sa regnâ