protetôr
pro|te|tôr
[AF]
-
adi., s.m.
che, cui che al difint o al jude cdn.:
o pensi di vêmi cjatât un protetôr. […] Chest om che mi veve tratât mâl la prime sere, cumò mi somee mugnestri sot il ruspi dal so mût di fâ (Alan Brusini, Gian Paolo Linda, I forescj);
dopo che al ve scuadrât ben ben a la lontane, al capì che al veve da fâ cuntun protetôr (Luigi Gortani, Sant Pieri e la code da vacje);
salacor la evasion di Casanova e jere stade organizade dal so protetôr Bragadin, e i Incuisitôrs a vevin sierât un voli (Pierluigi Visintin, Friûl e furlans te Histoire de ma vie di Giacomo Casanova)
Sin. campion
, copari
, difensôr
, santul
, sostignidôr
-
adi., s.m.
sant, o ancje divinitât pagane, che al da protezion, in particolâr a un ciert lûc, a une cierte comunitât o a une cierte categorie di personis:
[sant Martin] ancje dopo muart al è restât, come sant, il fedêl protetôr di chel paîs [Resie], e il titulâr venerât da sô glesie (Luigi Gortani, Sant Martin);
celebrâ la memorie dai sants Ermacure e Furtunât, fondatôrs e protetôrs de glesie di Aquilee (Antoni Beline, Aquilee: la preiere di un popul);
Belen, divinitât panceltiche venerade in buine part de Europe, diu protetôr di Aquilee (Angelo Floramo, Un lamp (Belen))
-
s.m.
cui che al cjape une percentuâl sui vuadagns di une prostitude:
al sorevivè fasint il contrabandîr, il protetôr di prostitudis, il cogo intune nâf e l’arbitri di balon (Stiefin Morat, Adalt abàs)
Sin. rucul
, rufian