polvar
/-ò-/
pol|var
[FO]
-
s.m.
tiere o altri materiâl ridusût in grignei une vore fins:
e bruntulave ridint Anute, lant ator pes stanziis plenis di polvar e di disordin dopo tant timp che a jerin restadis bandonadis (Pieri Menis, Sul agâr);
e lave ogni tant a spalancâ un barcon, a dâ une passade al polvar su la mobilie e ai paviments (Dino Virgili, La aghe da pît la cleve);
cuant che al menave la scove, al vignive un nûl di polvar (Lucio Perès, Vilie di fieste);
il soreli a plomp sul cjâf al scotave e il polvar de strade, une cuarte alt, nus jemplave la bocje, si tacave su la muse e su lis mans sudadis (Pieri Menis, La setemane rosse)
Sin. pulvin
Cfr. fum
-
s.m.
(fig.)
par indicâ il tant timp passât, il ricuart che al va al mancul:
becât in contradizion par chês sôs peraulis che salacor al veve sperât che nissun si visàs di lôr, sepulidis sot dal polvar dai agns (Adrian Cescje, Memoriis di politiche linguistiche);
il timp al veve deponût un lizêr vêl di polvar e di dismentie su ogni robe (Roberto Ongaro, Cretevierte)
-
s.m.
cualsisei materie taçade in particulis finis:
messedâ la farine di mandulis cu la scusse di mieç limon gratade fine e un tic di polvar di canele (Sandri Carrozzo, Tarta de Santiago - Torte di Sant Jacum di Galizie);
[l'oidi] si combat cun solfar sedi in polvar che disfat te aghe, o cun altris prodots specifics (Enrico Peterlunger, Lis varietâts di vît resistentis a lis malatiis)
-
medisine taçade in particulis finis:
il todesc al menà cun se te cjamare il miedi militâr. […] Lui le cjalà e al menà il cjâf come se fos spedide. Al ordenà cuatri polvars e al tornà jù fevelant a muc vie (Maria Forte, Dome la cjampanute di Sant Bortul)
Sin. polvare
-
s.m.
viôt polvar di sclope
:
un dopomisdì al jere daûr a jemplâ i bussui cui misurins di polvar e di balins (Carlo Sgorlon, Prime di sere)
-
s.m.
[BF]
(zerg.)
bêçs:
mi mancje il polvar par meti sù famee (Costantino Smaniotto, Il gjat, il tramai e la surîs)
Polirematichis e espressions idiomatichis