poltron /-òn/ pol|tron [CO]
-
adi., s.m.
che, cui che nol à voie di fâ nuie:
i plâs di fâ il poltron / e spietâ a bocje aviarte il macaron (Pieri Çorut, Il becafigo);
se l'amôr pe nestre int no nus à svuarbâts, nus pararès che al sei une vore dificil clamâ poltrons i Furlans, che par dut il mont a son innomenâts come lavoradôrs (Josef Marchet, Sflacjons e insolents)
Sin. disvoiât , flacjon , indolent , pelandon , pelandron , pelant , pegri , pucefadie , scjinfon , sflacjon , sflacjôs , smucefadie , chilôs , dalôs , oziôs , pendolon , bibion , dandan , sparagnefadiis
- in cjase dai poltrons e je simpri fieste
- l'om laboriôs al è libar; l'om poltron al è sclâf
- l'om laboriôs nol dipent di nissun, al è libar; l'om poltron al è sogjet a ducj, al è sclâf
- pai poltrons e je simpri fieste
- par no lavorâ, i poltrons a profitin di dutis lis ocasions
- se si à voie di vê un bon poltron, bisugne mandâlu a scuele o a passon