Dizionari de Lenghe Furlane

pegri  /-é-/  pe|gri  [AF]

1. adi., s.m. che, cui che nol à voie di sfuarçâsi, di fâ fadie:  Celso al jere vedran, e pesantut di persone. E tant pegri che al lave a cirî nome di polsâ (Riedo Pup, Siôr Celso e mister Donald); ai pegris e indolents / ur mignestrave pocs e sflanconadis, / ai testarts e insolents / scopulis e pidadis (Pieri Çorut, La procission)
   Sin. disvoiât , flacjon , indolent , pelandon , pelandron , pelant , poltron , pucefadie , scjinfon , sflacjon , sflacjôs , smucefadie , chilôs , dalôs , oziôs , pendolon , bibion , dandan , sparagnefadiis
   
   1. di espression, maniere di jessi e di fâ, che e pant pocje voie di fâ:  la ande pegre de int di Cret, mi à inviscjât ancje me (Alan Brusini, Gian Paolo Linda, I forescj)
2. adi. (fig.) che al va o che sucêt a planc, o che al da la impression di lâ o di sucedi a planc, che al somee pandi malevoie:  [la aghe de Livence] e scor cidine, pegre, cence claps, cence nancje sbisiâ, come se e fos un vueli (Dino Virgili, Un riul tra Venit e Friûl); la domenie çondare cun lûs svoiade e pegre e finive ta la ombrene dai miluçârs: lui le finive dongje un mos di bire, cjalant cence viodi (Maria Forte, Varc di confin)
   Sin. disvoiât , flacjon , indolent , pelandon , pelandron , pelant , poltron , pucefadie , scjinfon , sflacjon , sflacjôs , smucefadie , chilôs , dalôs , oziôs , pendolon , bibion , dandan , sparagnefadiis , pacheôs

Proverbis:

• cui che al è pegri di mangjâ al è pegri ancje di lavorâ
• lunc di mangjâ, pegri di lavorâ