pols
/-ó-/
pols
[AF]
-
s.m.
part dal cuarp che e corispuint ae articolazion jenfri man e braç:
i presonîrs a jerin jentrâts te ghebe, peâts, un cul altri, midiant di une cjadene che ur strenzeve i pols (Gianni Gregoricchio, La clape)
Cfr. conole
-
part di vistît che e corispuint a chê part dal cuarp:
si vistive simpri di clâr, dispès di blanc, cun ricams tai pols e tal cuel (Pieri Menis, A scuele)
Sin. pugn
, daman
-
s.m.
batude dal sanc, soredut se si sint poiant un dêt te vene che e passe par chê articolazion:
"Coragjo, che mi dei la man… un pols che al va e che al ven […]" (Pieri Somede dai Marcs, Ursule);
al veve dome cuarante tucadis di pols par minût e che dibot nol veve la fuarce di stâ in pîts (Agnul di Spere, I prâts des Savodagnis)
-
(fig.)
mût di stâ, di jessi, di volê:
il pols dal public, noaltris o vin tancj mieçs par sintîlu; e lu palpìn simpri (Josef Marchet, Di bessôi)
-
s.m.
(fig.)
fuarce, capacitât di imponisi:
o ai cjolte la femine di pols, di chês di une volte (Alan Brusini, Come tai romançs)
Sin. medole
, gnerf