podin
/pò-/
po|din
[AF]
-
s.m.
recipient di dovis, di forme cilindriche svasade, massime par tignî licuits o altris materiâi:
vuê agne Lene e à metût a dismuelâ i siei grumâi tal podin (Jaio Furlanâr, I grumâi di agne Lene);
"Bepo, cor vie, al è dispeât il torel, al à ribaltât il podin dal lat […]" (Pieri Somede dai Marcs, Il prossim);
nus àn cjamâts suntun vagon plombât, in trente, cuarante che o jerin, dentri un casselot di breis fat a pueste par menâ il besteam, sierât ator ator, vueit, nancje un podin par lâ di cuarp (Ivano Urli, Storie di Min)
Cfr. podine
, sele
, seglot
, mastel
, mastele
, sutine
, cjavôr
-
cuantitât di licuit o altri materiâl che e sta dentri in chel recipient:
chel nol butave a slas podins di aghe par bagnâ la strade e, cuant che al menave la scove, al vignive un nûl di polvar (Lucio Perès, Vilie di fieste)
Proverbis:
- il purcit co al à bevût il lavum al strucje il podin
- pôc e bon e plen un podin