piulâ
pi|u|lâ
[AF]
-
v.intr., v.tr.
dai uciei, massime di chei di nît, mandâ strîts lizêrs, curts e ripetûts:
Jacum al si poiave tor di un len a scoltâ il piulâ duliôs dai culets e dai sgrisuts (Maria Forte, Il vivi al è chel rangjâsi);
une covade di poleçuts che a piulavin spandint intor bugadis di ligrie (Pieri Somede dai Marcs, La sûr);
la civuite cul so svol fof e piule: «cui cuiu, cui cuiu, cui cuiu» (Alan Brusini, Mestris cjantôrs)
-
v.intr., v.tr.
(fig.)
lamentâsi o respirâ a fadie:
o ai ca sù disore gno pari impotent sul jet, che nol pues nancje piulâ (Luigi Gortani, Il mestri sore ducj i mestris)
-
fevelâ o dî in maniere lamentose:
«Mame» e piulà «ce isal?» (Pieri Menis, Cui si jerial impaçât cun Modestute?)
-
fâ un sunsûr tant che un strît lizêr:
si sint a piulâ une scurete de cjamare (Pieri Menis, Zilugne)
Sin. ciulâ
, vuicâ
-
des orelis, dâ la impression di un sun acût e continuât:
o vin tant fevelât di te, là jù, che a scugnivin piulâti lis orelis! (Maria Forte, Cjase di Dalban)
Sin. businâ
, sivilâ