pintîsi
pin|tî|si
[FO]
-
v.pron.intr.
sintî rimuars e colpe par sei lât cuintri di une leç morâl o religjose e prometi di no fâ compagn tal avignî:
"Ce plaie!" e rumià une volte dentri di se. "O crôt, sì, che chel altri, là, nol bacili masse daûr di jê! " Si pintì a colp di cheste malignitât (Gianni Gregoricchio, Trê feminis)
Sin. displasêsi
-
te etiche cristiane, sintî contrizion par colpis e prometi di fâ pinitince:
nol jere jentrât plui in glesie e il plevan al diseve che al sarès muart cence pintîsi, bessôl come un cjan (Pieri Somede dai Marcs, Nadâl)
Sin. mendâsi
, raviodisi
-
v.pron.intr.
displasêsi di vê fat o di no vê fat alc:
tal dubi di fâ o no fâ une robe, fale. Cussì no tu ti pintirâs di vê pierdude une ocasion (Alan Brusini, Gian Paolo Linda, I forescj)
Sin. cruziâsi
, gramâsi
, lamentâsi
, mangjâ pan pintût
, vaî
, displasêsi
-
v.pron.intr.
cambiâ di opinion, no jessi plui content di ce che si veve pensât, dit, sielt e v.i.:
il plevan gnûf al garantì in predicje che Pio Nono, pintût di vê benedide la Italie, le veve mandade ancje lui a fâsi benedî (Riedo Pup, Gran Dio benedite l'Italia);
al sarà segnalât tant che un dai esponents plui impuartants de part "rivoluzionarie" dal Partît socialist. No si è pintût; al è simpri un soversîf (Donato Toffoli, Felix Marchi, un soversîf te "Grande Vuere")
Proverbis:
- bisugne pensâ prin, par no pintîsi daspò
- cuant che il cuarp al si frolìs, la anime a si pintìs
- no tu ti pintirâs mai di vê fevelât pôc e mangjât pôc
- pense prin par no pintîti daspò