Dizionari de Lenghe Furlane

pierdi di voli    [CO]

1. loc.v. no rivâ plui a viodi alc o cdn.:  [il pilote] al scomençà a zirâ in tont, alçantsi un fregul. Fasint cheste manovre, par altri, al veve pierdût di voli lis lusutis [de piste] (Roberto Ongaro, Il muc)
   Sin. pierdi di viste
2. loc.v. (fig.) no viodi o no savê alc di cdn., soredut par une cierte dade di timp, avonde lungje:  o ai tornât a cjatâ pre Pitin. Lu vevi pierdût di voli dal '54, cuant che al veve bandonât i gravârs di Piluver e, passant pe passarele di breis dal Tiliment, si jere inviât vicjari sù pes cuestis di Montmaiôr (Antoni Beline, Pre Pitin)
   Sin. pierdi di viste
3. loc.v. (fig.) no vê plui ben a clâr, no distingui ben:  [Irka] mi vûl ben, e fâs in mût che no dismentei sierât alì dentri te scjaipule e no pierdi di voli ce che inte vite al è di biel e di bon (Ivano Urli, Storie di Min)
   Sin. pierdi di viste

Components:

• pierdi v.tr., v.intr.
• voli s.m.