Dizionari de Lenghe Furlane

piece  /piè-/  pie|ce  [CO]

1. s.f. toc di tiessût di une cierte lungjece, vendût par fâ lavôrs di sartorie:  la Ulive i racomandà: «Zuan, compre ancje une piece di bombasine e une di lin pe Miliute» (Maria Forte, La tiere di Lansing); ti començave a tiessi a tiessi piecis di tele scure e piecis di tele blancje (Pieri Menis, Chei di Muraie)
   
   1. toc di tiessût retangolâr, di meti tal cjâf o tor des spalis tant che element dal costum di une volte
      Sin. cuadri
   2. soredut tal pl., robe di tiessût che e à di jessi lavade:  nol jere l'acuedot, lis buinis massariis a vevin di lâ a lavâ lis piecis tal torent Vençonassie (Popolâr - Istitût di Ricercje Achil Telin, Il pôl su la Vençonassie - Friûl des culinis III)
   3. soredut tal pl., toc di tiessût lunc, fasse, di meti intor dai fruts
      Sin. fasse , panzit
   4. toc retangolâr di tiessût par netâ o par suiâsi:  si inzenogle denant di Luziete e i met la piece bagnade sul çarneli (Arturo Feruglio, In cîl e je une stele!...); Zorç le matine al diseve: "Jo o sii gjevât" e... "Cjol le piece tal scansel". E jo: "Jo o soi jevât" e... "Cjol al suieman tal cassetin". O eri un citadin jo! (Checo Tam, Les tamossis)
   5. toc di tiessût taiât o ancje vanzât e doprât par cualsisei robe, ancje tant che materiâl par fâ diviers prodots:  la suele [dai scarpets] di piece, sigûr, ma jo le ricuardi come une robe par "grancj". Par un frut la suele di piece e jere masse lusso (Enos Costantin, Tai pîts dai furlans); un pipinot di piece (Raffaele Serafini, Nancje buinis)
      Sin. peçot , peçote
2. s.f. formadi dut intîr:  une piece di formadi grande come une muele di mulin (Pieri Menis, Doro); une cuete di lat, che al deventave une biele schirie di piecis di formadi (Nin dai Nadâi, Lise latarie)

Polirematichis e espressions idiomatichis

• piece di pît loc.s.f.
• piece di pîts loc.s.f.