paurôs
pa|u|rôs
[CO]
-
adi., s.m.
che, cui che al à pôre, che si spaurìs cun facilitât:
[il frut] si veve mostrât storpeôs e paurôs, e il vieli, par che no si bagnàs, al veve tornât a pleâsi sui zenoi e i veve dât di bevi (Mario De Apollonia, Il timp par ledrôs);
jê no jere paurose come Anute, no veve pôre nancje dal diaul in persone (Plume di ingjustri, Il mus di mê agne Anute)
Sin. spaventôs
Var. spaurôs
Cfr. vîl
, viliac
-
adi.
che al fâs pôre:
ciertis peraulis di Jole a forin par me une rivelazion paurose (Carlo Sgorlon, Il dolfin);
dal scûr e rivin prisincis paurosis e vôs e laments (Maria Fanin, La spade di Svuicis)
Sin. di fâ pôre
, di pôre
, spaventôs
, spaventevul
-
adi.
(fig.)
tant grant di fâ impression, ancje cun valôr gjeneric di superlatîf:
il segnâl plui clâr des consecuencis dai fats che o vin ricuardâts pe comunitât regjonâl, al è il câl paurôs de popolazion furlane che insom dal 1500 e jere lade jù di plui di un tierç rispiet ai prins agns dal secul (Gian Carlo Menis, Storie dal popul furlan)
Sin. di fâ pôre
, spaventôs