Dizionari de Lenghe Furlane

paie²  pa|ie  [FO]

1. s.f. cuantitât di bêçs che e ven dade o cjapade in cambi di un lavôr:  cun ducj i bêçs metûts dongje di mio pari, di mio fradi, di mê sûr e i miei, insom de setemane sin simpri in bolete […] e l'avocat nol dîs ancjemò di cressimi la paie (Pieri Somede dai Marcs, L'avocat e la luianie); imboscâsi in mistîrs creâts no par produsi ma nome par tirâ la paie (Riedo Pup, Tanto cjapo e tanto magno)
   Sin. salari , stipendi
2. s.f. (fig.) cualsisei sorte di compens o benefici sedi materiâl che imateriâl:  tornâ a cjase, dopo vore, e cjatâ un fogolâr clip, une bocje da ridi, une buine peraule e la sigurece di polsâ in sante pâs, al è une paie plui grande di chê che al po dâ cualunche paron (Josef Marchet, Lis predicjis dal muini)
   Sin. compens , premi¹

Polirematichis e espressions idiomatichis

• buste de paie loc.s.f.
• buste paie loc.s.f.

Proverbis:

• ogni strussi al merte paie