premi1
/-è-/
pre|mi
[FO]
-
s.m.
ricognossiment che si da o che si cjape par une vitorie o par un merit:
tal 1984 […] Carlo Rubbia al vinç il premi Nobel (Angelo Floramo, Cuintristorie dal Nûfcent 1980-1990);
une grant fieste, bandierinis pardut, cualchi arc di vert in prin dai borcs, zûcs corsis, cucagne, la bande in place e sul tart a saltaran fûr i premis de lotarie (Pieri Somede dai Marcs, L'ultin cordo)
-
concors o competizion li che da un ricognossiment al miôr o ai miôr:
la cooperative e à inmaneât desenis di edizions dal Premi Friûl, concors che al à par fin chel di premiâ lis miôr produzions musicâls in lenghe furlane (Donato Toffoli, Relazion dal Grup di lavôr "Planificazion linguistiche")
-
cerimonie li che si consegne un ricognossiment:
in cualsisei ambient si sintive come a cjase sô, mostris di piture, cunvignis di culture, premis, conferencis (Carlo Sgorlon, Ombris tal infinît)
-
ancje in funz. di adi.inv.:
a Salerno mi vevin dât une licence premi (Checo Tam, Neapolis)
-
persone che e à vût assegnât un ciert ricognossiment:
Roger Sperry, un premi Nobel pe Medisine, e i siei coleghis a àn començât a studiâ miôr i malâts cul cerviel discolegât (Franc Fari, Il cjâf dai furlans)
-
s.m.
risultât concret o ricompense morâl o moment o element che al fâs plasê e che al pues jessi calcolât consecuence di un impegn o di un merit:
prin o dopo, a lis personis cussienziosis tal lôr lavôr, ur ven il premi (Roberto Ongaro, Il muc);
pe none Catine nissun premi nol sarès vonde in riparazion di ducj i tribui che e à scugnût patî in vite (Gianni Gregoricchio, Trê feminis)
Sin. ricognossiment
, ricompense
, paie2
-
s.m.
[TS]
dir.lav.
gratificazion dade ai dipendents parsore de paie normâl:
si stente a capî cun ce criteri che al va dât un premi straordenari al personâl di un ufici comunâl (chel dal dazi) che al à fat nome il so dovê (Josef Marchet, Jerarchie)
-
s.m.
[TS]
econ.
intai sistemis monetaris che si fondin sul aur, il valôr in plui de unitât monetarie aurie a pet di chê di cjarte
-
s.m.
[CO, TS]
cum.
sume che si paie an par an par une polize assicurative:
La assicurazion! E lu disè cuasi a vôs alte. Al jevà sù in pîts, di scat, cui voi discocolâts. Che e sedi ancjemò valide? […] Sì, il premi al jere stât paiât (Fabian Ros, Un piçul particolâr)
Proverbis: