ospitâ
os|pi|tâ
[AF]
-
v.tr.
vê a cjase, o ancje intune struture fate di pueste tant che un ristorant o un albierc, cdn. par une visite, ancje dantji di mangjâ e di durmî:
la dì prime de sô partence par Dresde il cont Torriano, che lu ospite di un pôc di timp, al ufrìs a ducj i amîs une biele cene (Pierluigi Visintin, Friûl e furlans te Histoire de ma vie di Giacomo Casanova);
"Comari, e saie jê cui che e à ospitât in cjase! O no lu saie? …" "Po sì, sì, e che al perdoni, un vilegjant" (Costantino Smaniotto, Co l'amôr al cimie)
Sin. alberzâ
, logâ
, lozâ
, sotetâ
, dâ acet
-
v.tr.
(fig.)
dâ spazi e mût di esprimisi, di esibîsi, di davuelzisi e v.i.:
o vin publicât lis declarazions dal President de Provincie di Udin […]. In chestis pagjinis o ospitìn la rispueste di Arnaldo Baracetti (Anna Bogaro, Autonomisim, di ce bande?);
cuâi autôrs vêso ospitât inte vuestre mostre? (Alessio Potocco, Rome, 50 agns di fogolâr)
-
v.tr.
(fig.)
vê intal propri spazi, intai propris ambients, inte proprie comunitât e v.i.:
la semence e je deventade arbul providenziâl, che al ospite jenfri i siei ramaçs ogni sorte di uciei (Antoni Beline, Autonomie e religjon);
une olmade al continent che nus ospite, cheste Europe siore di storie e di culture, scune di civiltâts plurietnichis (Franca Mainardis, Olmadis in Europe)
-
v.tr.
[TS]
sport
zuiâ in cjase cuintri di une altre scuadre
Sin. ricevi
-
v.tr.
[TS]
biol.
vê un parasit