Dizionari de Lenghe Furlane

ors  /ò-/  ors  [AF, TS]

1. s.m. zool.com. non comun dai grancj mamifars de famee dai Ursidis, in particolâr di Ursus arctos:  vuei lâ jo in persone a vuardiâle [la vacje], e fin che o ai vierts i voi cheste no à di sucedi, se o crodès di fâ lis bracis cun ducj i lôfs e cun ducj i ors de Cjargne (Luigi Gortani, Sant Pieri e la code da vacje); su la place da fontane la canaie si spreçave da ridi ator di un omenut che al faseve balâ l'ors (Luigi Gortani, Al marcjât di Vile)
   Var. lors
2. s.m. (fig.) persone sierade e ruspiose:  "[...] No sin tant ors come che a disin. Une volte rote la glace, la int di ca e sa dâ il bon acet al forest [...]" (Alan Brusini, Gian Paolo Linda, I forescj)
   Sin. asociâl , brusc¹ , durion¹ , murgnon , muson , rus¹ , salvadi
3. s.m. [TS] tecn. imprest fat di piere dure, cuntun mani lunc di len, doprât par pulî i paviments di teraç

Polirematichis e espressions idiomatichis

• ors blanc loc.s.m.
• ors polâr loc.s.m.

Proverbis:

• prin di contratâ de piel dal ors, bisugne maçâlu
• prin di mangjâ su la piel dal ors, bisugne vêlu maçât