Dizionari de Lenghe Furlane

ogjet  /-èt/  o|gjet  [FO]

1. s.m. [TS] filos. ce che al è cjapât dal sogjet tant che diviers di se e fûr di se:  in Hegel la Nature e je ogjet che si met in face dal sogjet
   Var. obiet
2. s.m. [TS] gram., ling. viôt obiet
3. s.m. ogni robe che si pues individuâ cu la percezion sensoriâl:  di mio cjâf ai inventât un canocjâl / che al travane a dî pôc fin al tiarç cîl / ogni ogjet al presente al naturâl (Pieri Çorut, Pronostic del 1824); Eliseo al cjalave il Nino a scrutinâ i ogjets [di comprâ tes cjasis e di vendi ai anticuaris] e a butâ fûr i presits cence bati voli (Carlo Sgorlon, Prime di sere)
   Sin. cjosse , cjossul , robe , robul¹
4. s.m. ce che si considere intun pinsîr, intun discors, intune ricercje, intune iniziative e v.i.:  la organizazion teoriche di ogni pussibil ogjet di cognossince e di memorie e vignive a corispuindi ae organizazion fisiche de realtât (Mario Turello, Il brevet)
5. s.m. persone o robe tratade intune cierte maniere:  no jere usade a sei ogjet di tante atenzion e di tant interès (Franca Mainardis, Il sium di Lissandri); l'ogjet de menace al jere Faidutti, ma il messaç al valeve par ducj (Carli Pup, La seconde Irlande); si calcolin tant che ogjet di tutele lis lenghis in gjenerâl, che ognidune, par so cont, e je une part dal patrimoni linguistic e culturâl comun de umanitât (Marc Stolf, Minorancis linguistichis)

Polirematichis e espressions idiomatichis

• par ogjet di loc.prep.