ocupât
o|cu|pât
[AF]
-
p.pass., adi.
viôt ocupâ
, viôt ocupâsi
-
adi.
di puest o sim., che nol è libar, che al è za doprât o al è stât prenotât di cdn. altri:
une joibe al rivà come simpri [a marcjât a vendi zeis], ma il so puest al jere ocupât cuntun banc plen di scudielis, di plats, tacis… (Angelo Covazzi, Jacum al marcjât)
Cfr. cjolt
, cjapât
, prenotât
, risiervât
-
di imprest telefonic, che nol rispuint parcè che al è za in comunicazion cuntun altri:
o ai telefonât tai uficis di Rome ma o cjatavi simpri ocupât (Valentina Pagani, Diego Travan: de planure furlane al cîl di Dubai)
-
adi.
di cdn., che al à di meti il sô timp e il so impegn intune vore o in tantis robis di fâ:
la int di Vendâs che a usavin lâ tal fogolâr a fâ la partide, viodût chel gjenerâl cidin e ocupât a lei, tal prin a sbassavin la vôs, po no olsavin presentâsi (Alan Brusini, Par stradis lungjis);
"[…] O speri propit che al sedi impuartant, o soi une vore ocupât vuê" (Checo Tam, Donnerwetter);
fradi gno cjâr jo soi tant ocupât, / e mi van par il cjâf tancj interès, / che i tu dirès che jo fos (si tu l credès) / un pulç inta la stopa invuluçât (Eusebi Stele, Fradi gno cjâr jo soi tant ocupât)
Sin. impegnât
Cfr. cjapât
, intune
-
adi., s.m.
che, cui che al à un puest di vore regolâr:
ancje tai agns daspò i ocupâts in agriculture a àn continuât a calâ une vore: si fevele in dì di vuê, a nivel regjonâl, di mancul dal 4% di ocupâts in agriculture (Linda Picco, Ricercje su la condizion sociolenghistiche dal furlan);
i lavoradôrs ocupâts te industrie e tai servizis a deventin la maiorance bondante de popolazion (Adrian Cescje, Liniis di storie sociâl e economiche dal Friûl 1500 - 1800)
Sin. dipendent
, lavoradôr
-
adi.
di teritori, tignût di une fuarce invasore:
[la vuere dai rus in Cecenie] e jere une vuere platade: […] dal dut divierse de vuere puartade dai israelians tai teritoris ocupâts (Renzo Balzan, E jere une volte la Cecenie)
-
adi.
di edifici, cjapât in possès di personis che no àn la proprietât o il permès dal proprietari, dispès par proteste sociâl o tant che maniere no convenzionâl di cjatâ une sistemazion:
te capitâl Buenos Aires si àn ogni altre dì manifestazions dai disocupâts, dai operaris des fabrichis ocupadis, dai docents des scuelis, dai dipendents statâi (Renzo Balzan, La Argjentine no je in licuidazion)