dipendent
/-ènt/
di|pen|dent
[AF]
-
adi.
che al dipent, che nol à autonomie, autosuficience e v.i.:
la mont ti da protezion ma ancje ti delimite. Ti ten strent come tun pugn ma e riscje ancje di no lassâti tirâ flât e cjalâ fûr. Dut chest si tradûs tune religjon dipendente e fatalistiche, intimistiche e ripetitive (Antoni Beline, I furlans e il templi)
-
che al sta sot di une autoritât, sot di un responsabil:
cualchi isule pierdude tal teritori dipendent dal Patriarcje (Josef Marchet, Cuintristorie dal Friûl fin sot la Italie)
-
adi., s.m.
che, cui che al à un contrat di lavôr stabil intune dite, che al lavore sot paron:
la fabrico e vevo licenziât metât dai dipendents (Fulvio ReddKaa Romanin, Geologicamente impossibile);
la cuote di feminis dipendentis che a doprin il timp parziâl e je dal 35,5%, intant che i masclis a son dome il 5-6% (Renata Della Rocca, La crisi dai ultins agns e à acentuât ancje chi di nô in Friûl problematichis e disparitât, par altri za esistentis, tra oms e feminis)
-
di implei, contrat e v.i., che al impliche che si lavori sot paron, par une dite, par une istituzion e v.i., no in forme autonome:
si pues stimâ che il numar di contrats di lavôr dipendent leât in maniere direte ae lenghe furlane al è di plui o mancul di 40 (Linda Picco, Sandri Carrozzo, Efiets economics e ocupazionâi des leçs di tutele de lenghe furlane)
-
adi.
[BF]
che nol rive a stâ cence une sotanance, soredut alcul, droghis, medisinis e v.i.