Dizionari de Lenghe Furlane

nancje di meti    [CO]

1. loc.av., loc.inter. par dî che jenfri doi o plui tiermins e je une grande diference, che no si pues metiju in confront par vie che un al è une vore superiôr:  i domandavi a Jole dulà che al fos chel altri mont. «No si lu sa di precîs. Al è un lûc une vore lontan.» «Lontan come il Clap Grant?» «Une vore di plui, ninin. Nancje di meti.» (Carlo Sgorlon, Il dolfin); a jerin sudôrs di sanc: lavorâ come discjadenâts e lâ a durmî cun dôs fueis di lidric e un çobar di polente… Ma nancje di meti la ligrie, lis fiestis, il vivi di in chê volte… (Dino Virgili, Cjase Basse)
   Sin. nancje meti

Components:

• meti v.tr.
• nancje av., coniun., prep.