mobilitât1
mo|bi|li|tât
[AF]
-
s.f.
nature o proprietât di ce che si pues movi, pussibilitât di movisi o di jessi mot:
il plan secuence (tiermin inventât dal critic francês André Bazin) al nas cu la evoluzion de mobilitât de cineprese (Fabian Ros, Propuestis par un lessic cinematografic)
-
s.f.
il movisi di puest, il viazâ:
si à di discuti di rognis o progjets di confin tra Venit e Friûl: traspuarts e mobilitât; svilup economic dal teritori; sanitât e tutele dal ambient (David Zanirato, Sapade e Cint no stan a cjalâ);
il prin Erasmus, dedicât ae mobilitât dai students universitaris dentri de Comunitât (Marc Stolf, Percors europeans pai students)
Sin. moviment
Cfr. traspuart
, trasferiment
-
s.f.
[TS]
dir.lav., econ.
cundizion pe tutele de ocupazion, cun proceduris ativadis dopo de interuzion dal rapuart di lavôr tra la imprese e i lavoradôrs in ecès, che e garantìs un jutori economic, e favorìs la assunzion li di altris aziendis o che e facilite la formazion in altris setôrs:
intal prin cuadrimestri di chest an, lis jentradis in mobilitât a cressin dal +34,4% (Pauli Mason, Sperant intune riprese autunâl)