miluç
/-ùç/
mi|luç
[AF]
-
s.m.
pome dal miluçâr, vâl a dî dal arbul Malus domestica, di forme plui o mancul taronde, cun scusse fine di colôr diferent daûr des tantis varietâts, cun polpe di colôr che al tire sul blanc, dure e dolce o cualchi volte garbute:
i fîcs plui dolçs, i miluçs plui madûrs, la salatute plui frescje (Maria Forte, La aghe dal Ariul);
i domandà se e veve vût buine vendeme di miluçs e cjastinis (Luigi Gortani, La ospitalitât)
Var. meluç
, mêl1
-
ancje tant che tiermin di paragon in espressions che a vuelin dî bielece, salût e v.i.:
brami che steis al mont / infin che us torne cont, / che vebis di stâ in pâs / sence moscjis al nâs, Che fais un cos di fruts, Ducj biei come miluçs (Pieri Çorut, Viaç da Trivignan a S. Lurinç)
-
s.m.
(fig.)
forme un pôc taronde de muse jenfri il voli e la massele:
il fantat ti vualmave mo cheste, mo chê altre, se e jere sane, se e veve personâl, i miluçs colôr rose su la muse, che no ves par câs pierdût un fier (Alan Brusini, Come tai romançs)
Sin. smursiel
, miluç de muse
, mêl de muse
Polirematichis e espressions idiomatichis
Proverbis:
- il vier al tache simpri il miluç plui bon
- nol è miluç tant dûr che cul timp nol deventi madûr