meretâ
me|re|tâ
[FO]
-
v.tr.
jessi inte cundizion morâl o di dirit di podê smirâ a un alc tant che premi, concession, favôr e v.i.:
meretâ il rispiet dal prossim (Josef Marchet, Lis predicjis dal muini);
la opare e merete di sei finanziade (Adrian Cescje, Memoriis di politiche linguistiche)
Var. mertâ
, maretâ
, miertâ
-
jessi te cundizion di podê vê une punizion, un blasim e v.i.:
a 'nd àn cumbinade une di gruesse. Nol sarès di perdonâje, che un cjastì lu meretaressin… (Gianni Gregoricchio, Trê feminis);
vevio scrit tant mâl di meretâ un cuatri […]? (Pieri Somede dai Marcs, Un cuatri in italian)
-
v.tr.
(ancje ass.)
vê un valôr, jessi biel, impuartant, significatîf e v.i.:
la storie di chescj lavôrs e merete di jessi contade, almancul in struc (Max Mauro, Un Friûl difarent: i 90 mhz di Onde Furlane);
i citadins di Udin a vevin onorade la blave e a vevin clamât cul so non une biele place de citât. Come che, da rest, a vevin fat cul fen e cul vin; che ancje chei a meretavin (Riedo Pup, I furlans e la blave)
-
v.intr.
jessi bon, util, necessari:
al meretave meti alc sot i dincj par che il vin nol sturnìs (Meni Ucel, I colaçs);
va a viodi tu se al è dut a puest o se al merete fâ alc di altri (Checo Tam, X-Reihen)
Sin. volê1
, coventâ
, servî
-
v.tr.
ricognossi un valôr, un credit, dâ un premi e v.i., spec. in esclamazions di agrât:
che Diu jal mereti, che i dei salût (Pieri Somede dai Marcs, Ursule)
-
v.tr.
al pues tignî sù costruzions cul participi passât, in ecuivalence cuntune obietive passive:
un spetacul che al meretave paiât il biliet par jentrâ a viodilu (Josef Marchet, Lis predicjis dal muini);
trê o cuatri, Signôr, a saran galantsumigns, ma il rest dute naie, che e meretarès inneade dal moment (Catarine Percude, Lis âfs)
