marcje1
mar|cje
[AF]
-
s.f.
[TS]
stor.
feut di confin tignût di un marchês:
[il Friûl] ridusût in maseriis e unît cu la Marcje di Verone, al passe tes mans di Indrì di Baviere (Josef Marchet, Cuintristorie dal Friûl fin sot la Italie)
Var. marche
-
s.f.
[TS]
numism., stor.
monede di plui alt valôr tal sisteme monetari dal Patriarcjât di Aquilee:
spendei per C e XIIII liris di cjarn di purciel marcjis II e liris VII (Cjandit Griôr, Cuader de fradaie di Sante Marie di Tresesin, 1426)
-
s.f.
[CO, TS]
burocr.
etichete cun valôr legâl che e testemonee il paiament di une tasse o sim.:
îr al è aumentât il cost des marcjis di bol (Cjastrons, E cumò… Lis acisis des marcjis di bol)
-
s.f.
segn, simbul e v.i. par individuâ un element:
la schede e à la rie dal leme talian, cu la sô categorie gramaticâl e la marcje di ûs e un bloc di riis par ogni acezion o sotacezion di prin nivel (Adrian Cescje, Memoriis di politiche linguistiche)
Sin. segn
, contrassegn
, simbul
, sigle ipon.
-
s.f.
segn o simbul metût o batût su di un prodot par segnâ la divignince, la fabricazion, la cualitât o altris carateristichis:
la perfezion che o cirìn dì par dì le vin volude meti dentri ancje inte marcje de aziende, che a son trê cerclis che si imbracin. Il significât al è chel di meti adun la perfezion dal cercli e chê dal numar 3 (Bruno Colledani, Un camion propit… fuart!)
Sin. bol1
, simbul
, logo
-
la cjase di produzion stesse, segnade di chel simbul:
[di bevi] a 'nd vanzà ancje par une cene, cun vins e snaps di marcje furlane (Alviero Negro, El gringo)
-
il sisteme di protocoi, di normis pe concession di chel segn o simbul:
produtôrs e comerciants che a vuelin distribuî i prodots locâi garantintju cuntune sorte di marcje di cualitât (Carli Pup, Ocitanie in moviment)
-
(fig.)
maniere di jessi carateristiche di cdn. o di alc, che lu fâs identificâ tant che part di une cierte categorie:
cualchi coment moralistic di rude marcje clericâl (Antoni Beline, Sant Jacum, là che al finìs il mont)
